|
GAU HOTZA
Gaur
berriz, beti bezala eguna bukatu da
eta izarrak
distiratzen hasi dira
zeruko argitik
zure aurpegia ikusten da
gau hotza iluntasunean
zabaltzen ari da.
Gure kaleetako
oihua isiltasuna da
Langabezian
buruak ohe gainean
Ilargia gogo
hotzez begiratzen dute
Egunaz ahazteko
pena gehiegi soinean.
Batzuen eguna
da beren buruen hondoa
Beste batzuek
rockaren hariak gogoan
Nik ordea zure
gorputz trinko trinkoa
atseginez daramat
bihotzaren ondoan.
Sexo beroaren
amets baten azpian
buru hotzak
atseden hartzen ari
egun berriaren
argia ondoren nabari
laster behar
du gau hotzak berriz itzuli.
Eta zu eta ni, biok batera gozoki.
|
AITORTU NAHI NUKE
Kantu asko egina
naiz
eta orain esan
beharra dut
guzti guztiak
daudela
maitasunean
gordeak.
Ez dakit zuzenak
izan diren
ez baitatik
neu hala naizen
baina beti dantzatuko
ditut
maitasunaren
hariak.
Horiekin azalduko
dut
gorputzak hausten
dituen legea
Horiekin azalduko
dut
bizia desegiten
duen legea.
Gehienak ziur
asko
itzalean galduko
dira
baina zorigaitzak
eramateko
izango dira.
Eta gaur, hau
kantatzean
aitortu nahi
nuke
nire abotsean
gordea
maitasuna dabilela
egizkoa eta dohakoa.
|
