Música:   Joseba Gotzon
Letras:  Joseba Gotzon / Andoni Egaña
Producción: Joseba Gotzon
Arreglos: Margarita Lorenzo Reizabal
Artistas invitados:   Niko Etxart eta Gontzal Mendibil
Piano:  Margarita Lorenzo Reizabal
Violoncello:  Erwin Grafe
Viola: Lorea Rada
Violin:  Beñat Aresti
Violin: Pilar Martínez
Percusión: Patxi Goikoetxea
Portada:  Inmaculada González Arkaute
Invitados: Jose Angel Iribar, Josu Urrutia, Julio Salinas, Laurentzi Gana, Iñaki Perurena, Aitor Zabaleta, Jean  Paul Olmos, Andrés Molina, Bárbara Barrie, Junkal Mendiguren, Nagore Gabellanes.

ZURI, GORRI TA BERDE

Gorria gure adorearena

Berdea berriz esperantzararena

Euskal selekzioak ez ote dira?

Gure ispilu, gure izaera.

Zuri, gorri ta berde gure koloreak

Defenda ditzagun mundu guztian

Zuri, gorri ta berde gure koloreak

Daramatzagu bihotz-bihotzean.

Zuria kiroltasun eredua

Jakitun izan dadila mundua

Taldeen oinarri, babes bezela

Bizi nahi duen herri bat dela.

Zuri, gorri ta berde gure koloreak

Defenda ditzagun mundu guztian

Zuri, gorri ta berde gure koloreak

Daramatzagu bihotz-bihotzean.

Hainbeste urte ez ditu alferrik

Gaur egunean ez diogu zorrik

Ez Espainiari ez Frantziari

Hau baino ez da gure ordezkari.

Zuri, gorri ta berde gure koloreak

Defenda ditzagun mundu guztian

Zuri, gorri ta berde gure koloreak

Daramatzagu bihotz-bihotzea

ZERGATIK IZANA ITO?

Mila beatzireun ta hamabostez

Maiatzaren hamabiko

Egun hartantxe selekzio bat

Martxan jarri zen betiko

Bizkaia edo Norte izenez

Zergatik izana ito?

Han osatu zen selekzioa

Euskalduna zen ta kito.

Catalunyarren aurka lortu zen

Lehenbiziko garaipena

Madrilen aurka berdinketara

Iritsi ziren hurrena

Kapitaleko kazetarien

Haserraldi nabarmena…

Ez zen hain txarra, txarra izanda

Irabazten zekiena.

Ez omen zuten teknikarikan

Ez omen zuten indarrik

Madrilen ez zen falta inondik

Gandor gabeko oilarrik

Euskaldun haiek garaile ziren

Parte hartuta bakarrik

Ta garaileak ez du izaten

Garaipenaren beharri

EUROPAKO JIRA

Gerra ziilarekin

Bazter denak nahasi

Selekzioa ere

Zerbaitetan hasi

Europara jo zuten

Baina ez ihesi

Berdin zen berdindu nahiz

Galdu, irabazi

Zer ginen gura zuten

Ezagutarazi.

Gorostiza, Regueiro

Eta gainontzeko…

Ze arrazoi zituzten

Kanpora jotzeko?

Euskal haurrak Europan

Zituzten etxeko

Lagundu nahi zieten

Herritar antzeko

Erbestearen latza

pixkat goxatzeko.

Hamazortzi lagunek,

Faszismoa etsai,

Europara jo zuten

Garaipenaren zai

Gure askatasuna

Baino ez zuten nahi

Baloia arma zela

Edozertarko gai

Futbol-zelaiak ziren

Euren gudu-zela

POLONIAN

Frantzian ibiliak

Bazterrikan bazter

Handik gutxira ziren

Polonian maizter

Poloniarrak aurka

Jarri ziren laister

Francoren propaganda

Gaztoari esker…

Ez ziren komunistak

Baina balira zer?

Euskalduna omen zen

Ateo ta gorri

Francok hauspoa eman

Zion uste horri

Zer helburu zeukaten

Ez zuten igerri…

Munduari eskeini

Gerra haren berri

Ta bitartean izan

Haur konsolagarri.

Zelaietan jendea

Era haserrean

Inguratu zitzaien

Aldarte errean

Katowicen bost ta lau

Alabeharrean

Beraz poloniarrak

Ohitura zaharrean

Belaunikatu ziren

Gureen aurrean

BURDINEZKO GERRIKOA

Moskun harrera egin zieten

Herritik herrirakoa

Musika-bandak eta gorespenak

Jan-edanetik nahikoa

Futbol-taldeak azaldu zuen

Joko bikain, teknikoa…

Hobe Armada izan bagenu

Taldearen neurrikoa

Egun haietan erori bait zen

"burdinezko gerrikoa".

Lehen ere ume asko zegoen

Errusiarren babespean

Askok haruntza hartu bait zuen

Euskaditik ihestean

Selekzioa joan zen haiei

Lagutnza eman ustean

Futbol partidu batzu jokatuz

Lurralde urrun askean…

Emaitza onak izan zituzten

Asmo bat eta bestean

GEORGIAN

Georgiaren epela

Egur bereko upela

Gure mutilek sentitu zuten

Han zerbait bazela

Harrera bero itzela

Hautsi ezin den kordela…

Selekzioa han sentitu zen

Etxean bezala.

Futbolean gu nagusi

Baina legoke itsusi

Emaitzei soilik begiratzea

Galdu-irabazi…

Han zer ez zuten ikusi?

Herri bat bizkia kasi

Harreman hura ez beza inoiz

Ezerk galerazi.

Georgian festa ta jai

Asko izan zuten nonahi

Denek batera kantatutako

Hainbat doinu alai…

Beso zabalik zeuden zai

Bi herri elkarren anai

Guk begirunez hartu genitun

Haiek gu ere bai

NORTASUNA

Nortasuna debekatu digute

batasunaren izenean

apalak besterik ez bagara

nor beldur ote da galtzera?

Mintzatzen dira legeaz

baina geurea da zaharrena

joklariak tinko zelaietan

zaleak aho batez armaietan

Begira aurrera,

bide hau ezin da geldi.

Saldu digute askatasuna

baina eskubiderik ez

badkigu zer den hori, tamalez

hain onak gara ote?

Susmoa airean dago sarritan

FIFA eta estatuak saku berean

kirola negozio hutsa

baina gu bagara aberatsak

ILUSIOA

Selekzioak ze etorkizun

Daukan egonagatik ikuskizun…

Bai Frantzia ta bai Espainia

Gainean daukagu ipinia…

Ilusioa!

Eta herriarendesioa

Euskal Herriko selekzioa

Parteahartzea debekatua

Geu izan nahia dugu debekatua

Geu izan nahia dugu bekatua

Baina apurka bagoaz martxan

Bihar-etzirako esperantzan

Herri bat bada

Kirolean duena islada

Geuk nahi duguna izango gara.

Gerrak eragin zuen aintzina

Selekzioa, gure imajina

Aldarrikapenek lotu gero,

Euskara ta herrian bezero

Baina gerora…

Herri bera doanez gora

Poz horren lekuko izango da

BIHOTZA EZIN DA EROSI

Joku ederraz liluratu ondoren

jokalariei ateak zabaldu zitzaizkien

betiko marrazoek fitxatzeko xedez

diru mordoa eskaini zieten

Hoberenetarikoak ziren, sendo eta dotore

beren etorkizuna erabaki ahal izanez

selekzioari eutsi, indarrez

Euskadiko enbaxadoreak legez

Bihotza ezin da erosi

euskaldunek kalabazak emanik

erraldoiak geratu ziren

gure urrezko hanka gaberik

AMERIKETARA

Europa utzi eta ondoren

Joan Ameriketara…

Egoeraren berri emanaz

Iritsi ziren bertara

Baina Mexicon ideologiak

Zebiltzan lau haizetara

Batzuek hona tiratzen zuten

Besteren batzuek hara

Selekzioa erakartzeko

Norberaren nahietara.

-          Kubara, lagunok, Kubara!

Somos los vascos que llegamos a Cuba (bi)

y en el silencio de las penurias dejamos tierra,

dolor, amigos, sangre y espuma (bi)

Nahiz politika harremanetan

Saltsak izan gehienean

Futbol zelaian aritu ziren

Erarikan behinenean

Garaile irtenaz partidaren bat

Jokatzen zen orenean

Mexicok duen altitudea

Handia da aidanean

Baina Euskadi geratu zen han

Maila goren gorenean

-          Que estamos en Cuba!

-          No jodas!

-          Esto es Cuba hermanos!

Mexicotian abiatuta

Gero jo zuten Habana

Nekea ere pilatu zen ta

Izan zuten nahiko lana

Jose Martiren monumentuan

Utziz lore-sorta bana

Bereganatzen asmatu zuten

Kubako zalego dana

Eta benetan estutu zuten

Lehendik zegon harremana

-          Mira que montoncito de gallegos!

-          Que somos vascos, joé!

FIFAREN INDARRA

Habanatik abiatu,

Itsasora irten

Argentinarainoko

Txangoa zegiten

FIFAk zer indar zuen

Zaila zen jakiten

Partidak jokatzeko

Baimen denak eten

Euskaldunei bizia

Ito nahi zieten

Hantxe geratu ziren

Ez bai ta ez haiemn…

FIFAk agindu zuen

"geldi denok hemen!"

bi hilabete bertan

geratu ondoren

mugitu egin ziren

herdoildu baino lehen

egonean egonda

ezer ez zegoen

DESAGERPENA

Mexicoraino itzuli ziren

Gehiago egon ezinda

Jokatu nahia eta ezina

Futbolarientzat min da

Espainiako gerra zibila

Bukatu zela jakinda

Erabakia hartu zuten han

Berri horrek eraginda

Selekzioa desagertu zen

Baina lan ona eginda

Batzuk Mexicon geratu ziren

Futbola zuten barruti

Argentinatik eskean heldu

Zitzaizkion beste bati

Nor bere kasa futbol jokoan

Segitu zuten setati

Bizimodua berregin nahian

Beren herritik urruti…

Bi urtetako ahalegin hura

Eskertuko dugu beti

GURE AMETS URRATUA

Berrogei urtez egon ondoren

Derrigor barraiatua

Berriro ere martxan jarri zen

Gure amets urratua

Hirurogeitaemeretzian

BAIU EUSKARARI tarteko

Arrazoi asko genitun denok

San Mamesera joateko

Selekzioa martxan jartzeko

Erabakia harturik

Futbolak ere egon nahi zuen

Herriari txertaturik

San Mames izan genuen beraz

Lotura biren islada

Futbola eta herria edo….

Herria eta euskara

Bai euskarari pasa zen eta

Iritsi zen BATEGINIK

Selekzioa orduan ere

Euskarari bat eginik

Herri honi nola izan nahia

Barru barrutik zerion

Selekzioak bere bigarren

Aroari ekin zion